సింహం - చిట్టెలుక (తెలుగు నీతి కథలు) Telugu moral stories....... Simham - chitteluka

                              అనగనగా ఒక అడవి. అడవికి రాజు సింహం. ఆ అడవిలో అనేక రకాల జంతువులు   పక్షులు   హాయిగా  నివసిస్తున్నాయి.  ఒకరోజు సింహం   చెట్టుకింద పడుకుంది.  అక్కడకి ఒక ఒక చిట్టెలుక వచ్చింది. ఆ చిట్టెలుక సింహం పైకి ఎక్కి అటు ఇటు తిరుగుతూ ఆడుకుంటుంది. అలా ఆడుకుంటూ  సింహం చెవిని కొరికింది. సింహానికి మెలుకువ వచ్చి చూసే సరికి , ఏమీ కనబడలేదు. మళ్లీ సింహం  కునుకు తీసింది. మళ్లీ చిట్టెలుక సింహం చెవి  కొరికింది.  ఈ సారి సింహానికి చిట్టెలుక చిక్కింది. సింహం కోపంతో ఓహో చిట్టెలుకా నాతోనే పరాచికాలా . నిన్ను చంపేస్తా అంటూ ఘర్జించింది. చిట్టెలుక భయం తో వణికికిపోయింది. మృగరాజ నన్ను క్షమించు ., నీకేపుడైనా ఆపద సమయంలో సహాయం చేస్తాను. అని చిట్టెలుక ప్రాధేయ పడింది.   అపుడు సింహం హా హ్హ హా  నీవా ఈ మృగరాజు ను కాపాడేది. పో ఈ దగ్గరలో ఇంకెప్పుడూ కనపడవద్దు. అని చిట్టెలుకను మందలించి విడిచిపెట్టింది. 

                   కొంతకాలం తర్వాత ఒక వేటగాడు  ఆ  అడవికి  వేటకు వచ్చాడు. ఆ వేటగాడు వేసిన వలలో సింహం చిక్కుకుంది.  చిట్టెలుక వలలో చిక్కుకున్న  సింహాన్ని చూసింది. అయ్యో ఎంత ఘోరం జరిగింది ఈ సింహాన్ని ఎలాగైనా కాపాడాలని అనుకొని చిట్టెలుక వలను కొరికి సింహాన్ని రక్షించింది. అపుడు సింహం చిట్టెలుకా నిన్ను చాలా చిన్న చూపు చూసాను. ఈ రోజు నీవు లేకుంటే నా ప్రాణాలు పోవలిసిందే. నన్ను రక్షించావు. నీకెంతో ఋణపడి ఉంటాను.  నా రాజ్యం లో చిన్నా పెద్ద  ఏ జంతువు ను కూడా తక్కువగా చూడకూడదని నాకు అర్దం అయింది. అని ఆంది.